ສ້າງຂະບວນການສະເຫຼີມສະຫຼອງ ວັນສ້າງຕັ້ງສະຫະພັນ ກຳມະບານລາວຄົບຮອບ 65 ປີ.

ຕອນເຊົ້າຂອງວັນທີ 26 ມັງກອນ 2021   ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງວຽງຈັນ ໄດ້ເຂົ້າຮ່ວມການແຂ່ງຂັນກິລາ ເປຕັ່ງ ຊີງຂັນ ປະທານສະຫະພັນກຳມະບານ ແຂວງວຽງຈັນ ເພື່ອສ້າງຂະບວນການສະເຫຼີມສະຫຼອງ ວັນສ້າງຕັ້ງສະຫະພັນ ກຳມະບານລາວຄົບຮອບ 65 ປີ, ຄັ້ງນີ້ ພະແນກ ປທສ ແຂວງໄດ້ສົ່ງ ນັກກິລາ ທີມຊາຍ ແລະ ທີມຍິງ ເຂົ້າຮ່ວມການແຂ່ງຂັນ ໂດຍທີມຍິງ ພະແນກ ປທສ ແຂວງ ໄດ້ຮັບຂັນຊະນະເລີດ ແລະ ຍັງມີບັນດາສະມາຊິກອົງການຈັດຕັ້ງ ຊາວໜຸ່ມ, ແມ່ຍິງຂອງບັນດາພະແນກການ, ອົງການອ້ອມຂ້າງແຂວງ, ກອງບັນຊາການທະຫານ, ຕຳຫຼວດແຂວງ, ບໍລິສັດວິສາຫະກິດ ແລະ  ທະນາຄານຕ່າງໆສາຂາ ແຂວງວຽງຈັນ ເຂົ້າຮ່ວມຢ່າງພ້ອມພຽງ, ພ້ອມນັ້ນ ໃນຕອນເຊົ້າຂອງວັນທີ 29 ມັງກອນ 2021 ໄດ້ເຂົ້າຮ່ວມພິທີຍ່າງມາລາທອນເພື່ອສຸຂະພາບ ເລີ່ມແຕ່ ວິທະຍາໄລເຕັກນິກແຂວງວຽງຈັນ ຫາ ສົ້ນຂົວເມືອງເກົ່າປາກກະຍຸງ ແລະ ໄດ້ເຂົ້າຮ່ວມພິທີ ປະຖະກະຖາເລົ່າມູນເຊື້ອວັນສ້າງຕັ້ງສະຫະພັນກຳມະບານລາວຄົບຮອບ 65 ປີ ທີ່ວິທະຍາໄລເຕັກນິກແຂວງວຽງຈັນ.