ສູນບໍລິຫານລັດ ດ້ວຍເອເລັກໂຕຣນິກ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໄດ້ມອບອຸປະກອນລະບົບກອງປະຊຸມທາງໄກຈຳນວນ 01 ຊຸດ ໃຫ້ແກ່ ຫ້ອງວ່າການ ແຂວງວຽງຈັນ ພ້ອມທັງ ຈັດສຳມະນາ ເພື່ອຮັບຕ້ອນກອງປະຊຸມຜູ້ແທນຄະນະພັກແຂວງວຽງຈັນ ຄັ້ງທີ VI ຈະໄຂຂຶ້ນໃນມໍ່ໆນີ້.

ໃນວັນທີ 26 ຕຸລາ 2020, ທີ່ຫ້ອງວ່າການແຂວງວຽງຈັນ, ສູນບໍລິຫານລັດດ້ວຍເອເລັກໂຕຣນິກ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ມອບອຸປະກອນລະບົບກອງປະຊຸມທາງໄກຈຳນວນ 01  ພ້ອມທັງຕິດຕັ້ງ ໃຫ້ຫ້ອງວ່າການແຂວງວຽງຈັນ ລວມມູນຄ່າທັງໝົດ 48.671.000 ກີບ ໂດຍແມ່ນການສະໜັບສະໜູນ ຈາກອົງການ UNDP ປະຈຳ ສປປ ລາວ, ກ່າວມອບໂດຍ ທ່ານ ປອ ທະວີສັກ ມະໂນທັມ ຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ກ່າວຮັບໂດຍ ທ່ານ ຄຳພັນ ສິດທິດຳພາ ເຈົ້າແຂວງໆວຽງຈັນ ພ້ອມທັງໄດ້ມອບໃບກຽດຕິຄຸນໃຫ້ ເພຶ່ອເປັນການສະແດງຄວາມຂອບໃຈທີ່ໄດ້ໃຫ້ການຊຸກຍູ້ຊ່ວຍເຫຼືອແຂວງວຽງຈັນ ແລະ ກໍ່ເປັນການຄຳນັບຮັບຕ້ອນກອງປະຊຸມໃຫຍ່ໃນມໍ່ໆນີ້, ຫວັງຢ່າງຍິ່ງວ່າໂອກາດໜ້າຈະໄດ້ຮັບການສະໜັບສະໜູນຊ່ວຍເຫຼືອຈາກພວກທ່ານຕື່ມອີກໃນຕໍ່ໜ້າ ຫັຼງຈາກນັ້ນທາງສູນບໍລິຫານລັດ ດ້ວຍເອເລັກໂຕຣນິກ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານກໍ່ໄດ້ຈັດຈັດສຳມະນາ  ກ່ຽວກັບ ການຫັນເປັນທັນສະໄໝ ແລະ ລັດຖະບານທັນສະໄໝ ລວມທັງຝຶກອົບຮົມ ລະບົບກອງປະຊຸມທາງໄກ ໃຫ້ບັນດາພະນັກງານຂອງພະແນກການທີ່ກ່ຽວຂ້ອງຂອງແຂວງ ເຂົ້າຮ່ວມ ງນີ້ກໍ່ເພື່ອຫັນວຽກງານລັດໃຫ້ເປັນທັນສະໄໝ ໂດຍສະເພາະການຈັດກອງປະຊຸມທາງໄກ ລະຫວ່າງ ການນຳແຂວງວຽງຈັນ ກັບບັນດາອົງການຈັດຕັ້ງ ພັກ-ລັດ ທົ່ວປະເທດ ແລະ ຈັດກອງປະຊຸມກັບຕ່າງປະເທດ.