ສ້າງຂະບວນການກິລາຮັບຕ້ອນກອງປະຊຸມໃຫຍ່ຜູ້ແທນອົງຄະນະພັກ ແຂວງວຽງຈັນ ຄັ້ງທີ VI

ພະແນກໄປສະນີ, ໂທລະຄົມ ມະນາຄົມ ແລະ ການສື່ສານ ແຂວງວຽງຈັນ ຮ່ວມກັບ 4ບໍລິສັດຄື: ບໍລິສັດ LTC ສາຂາ ແຂວງວຽງຈັນ, ບໍລິສັດ ETL ສາຂາ ແຂວງວຽງຈັນ, ບໍລິສັດ UNITEL ສາຂາ ແຂວງວຽງຈັນ ແລະ ບໍລິສັດ ໄປສະນີລາວ ສາຂາ ແຂວງ ໄດ້ມີການຈັດການແຂ່ງຂັນກິລາ ເຕະບານຊາຍ-ຍິງ, ຕີບຸ່ນຊາຍ-ຍິງ ແລະ ດຶງເສືອກຊາຍ-ຍິງ, ໄດ້ຈັດຂຶ້ນໃນວັນທີ 28 ຕຸລາ 2020 ທີ່ເດີ່ນບານເຕະຫີນເຂົ້າໃໝ່, ເມືອງໂພນໂຮງ, ແຂວງວຽງຈັນ ເປັນການແຂ່ງຂັນຊະນະເລີດເຕະບານຊາຍແມ່ນບໍລິສັດ UNITEL ສາຂາແຂວງ, ຊະນະເລີດເຕະບານເຕະບານຍິງເປັນທີມປະສົມລະຫວ່າງບໍລິສັດ ETL+UNITEL+ບໍລິສັດໄປສະນີ, ຊະນະເລີດຕີບຸ່ນຊາຍແມ່ນ ບໍລິສັດ LTC, ຊະນະເລີດຕີບຸ່ນຍິງແມ່ນ ພະແນກ ປທສ ແຂວງ ແລະ ຊະນະເລີດດຶງເຊືອກແມ່ນ ບໍລິສັດ ETL, ຊະນະເລີດດຶງເຊືອກຍິງແມ່ນທີມປະສົມ ພະແນກ ປທສ ກັບ LTC ໂດຍຊິງຂັນຈາກສະຫາຍເລຂາ ຄະນະພັກຮາກຖານ ວ່າການຫົວໜ້າພະແນກ ປທສ ແຂວງວຽງຈັນ, ບັນຍາກາດມີຄວາມເບີກບານ-ມ່ວນຊື່ນ ສ້າງຄວາມສາມະຄີ-ແລກປ່ຽນບົດຮຽນເຊິ່ງກັນ ແລະ ກັນ.