ກອງປະຊຸມ ເຜີຍແຜ່ບັນດານິຕິກຳ ແລະ ລົງຊຸຍູ້ການຂຶ້ນທະບຽນເລກໝາຍໂທລະສັບ ແລະ ຊິມກາດ ຢູ່ເມືອງຫີນເຫີບ

ຂໍ້ຕົກລົງ, ແຈ້ງການ ແນກໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ ແຂວງວຽງຈັນ ໄດ້ເປີດກອງປະຊຸມຝຶກ​ອົບ​ຮົມ​ ເຜີຍແຜ່ບັນດານິຕິກຳທີ່ກ່ຽວຂ້ອງເຊັ່ນ: ກົດໝາຍ ແລະ ພາລະບົດບາດຂອງ ພະແນກ ປທສ ແຂວງວຽງຈັນ ໃນວັນອັງຄານວັນທີ 8 ກັນຍາ 2020, ໃຫ້ກຽດເປັນປະທານໂດຍ ທ່ານ ໂອລົດ ສີສູນທອນ ຮອງເຈົ້າເມືອງໆຫີນເຫີບ, ໃນນັ້ນມີ ພະແນກ ປທສ ແຂວງ, ຜູ້ປະສານງານວຽກງານ ປທສ ປະຈຳເມືອງຫີນເຫີບ ບັນດາບໍລິສັດໂທລະຄົມມະນາຄົມ,  ບັນດາຫ້ອງການ ແລະ ບັນດາຜູ້ປະກອບການ ນັກທຸລະກິດ ນັກລົງທຶນ ອ້ອມຂ້າງ ເມືອງຫີນເຫີບໃຫ້ກຽດເຂົ້າຮ່ວມ​ທັງ​ໝົດ 101 ທ່ານ, ກອງປະຊຸມຝຶກ​ອົບ​ຮົມ​ໃນ​ຄັ້ງ​ນີ້ ເພື່ອ​ຍົກ​ລ​ະ​ດັບ​ຄວາມ​ຮູ້​ຄວາມ​ສາ​ມາດ​ກ່ຽວກັບ ກົດໝາຍ ວ່າດ້ວຍ ຄື້ນຄວາມຖີ່ວິທະຍຸສື່ສານ, ກົດໝາຍ ວ່າດ້ວຍ ການໄປສະນີ, ຂໍ້ຕົກລົງ ວ່າດ້ວຍ ການໃຫ້ບໍລິການອິນເຕີເນັດກາເຟ ແລະ ສື່ສັງຄົມອອນລາຍ, ພາລະບົດບາດ ສິດໜ້າທີ່ຂອງ ພະແນກ ປທສ ແຂວງ ແລະ ຜູ້ປະສານງານປທສ ຂັ້ນເມືອງ ພ້ອມດຽວກັນນີ້ໄດ້ມີການຂຶ້ນທະບຽນໝາຍເລກໂທລະສັບ ແລະ ຊຶມກາດທັງ 3 ເຄືອຂ່າຍໃຫ້ແກ່ຜູ້ເຂົ້າຮ່ວມກອງປະຊຸມ ແລະ ພະນັກງານຢູ່ເມືອງ ຫີນເຫີບ.