ຮ່ວມພິທີປູກຕົ້ນ​ໄມ້

ໃນຕອນເຊົ້າຂອງວັນທີ 2 ມິຖຸນາ 2020 ທ່ານ ບົວລະພັນ ສຸພິດາ ວ່າການຫົວໜ້າພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງວຽງຈັນ ພ້ອມດ້ວຍຄະນະ ແລະ ພະນັກງານວິຊາການພາຍໃນພະແນກ ໄດ້ເຂົ້າຮ່ວມພິທີ ວັນປູກຕົ້ນໄມ້ ແຫ່ງຊາດ ປະຈຳປີ 2020 ທີ່ເດີ່ນ ໂຮງຮຽນປະຖົມ ບ້ານນາໂພໃຕ້, ເມືອງໂພນໂຮງ, ແຂວງວຽງຈັນ ໃນນັ້ນມີບັນດາການນໍາຂອງແຂວງ, ພະແນກການອ້ອມຂ້າງແຂວງ ແລະ ຫ້ອງການເມືອງອ້ອມຂ້າງເຂົ້າຮ່ວມ

ເປັນກຽດ ກ່າວເປີດພິທີປາຖະກະຖາໂດຍແມ່ນ ທ່ານ ຄຳພັນ ສິດທິດຳພາ ເຈົ້າແຂວງໆ ວຽງຈັນ

ໃນພິທີໄດ້ຮັບຟັງການຜ່ານບົດລາຍງານວຽກງານການປູກຕົ້ນໄມ້ໄລຍະຜ່ານມາ ແລະ ທິດທາງແຜນການໃນຕໍ່ໜ້າ ແລະ ແນະນຳເຕັກນິກການປູກຕົ້ນໄມ້, ເປັນກຽດກ່າວຈຸດປະສົງ ໂດຍແມ່ນ ທ່ານ ພູວົງ ບຸນຊູ ຫົວໜ້າພະແນກກະສິກໍາ ແລະ ປ່າໄມ້ ແຂວງວຽງຈັນ

ຈາກນັ້ນກໍ່ສ້າງຂະບວນການປູກຕົ້ນໄມ້ ຕາມແຄມທາງ ບ້ານນາໂພໃຕ້ ຢ່າງເປັນຂະບວນ ຊຶງຕົ້ນໄມ້ທີ່ນຳມາປູກເປັນຕົ້ນໄມ້ປະເພດປະດັບປະດາ ເຊັ່ນ: ຕົ້ນດອກຄູນ, ຕົ້ນຝາງແດງ, ຕົ້ນກາກະເລົາ ຈຳນວນ: 3,500 ຕົ້ນ ແລະ ເບ້ຍໄມ້ດູ່ມີ: 11 ຕົ້ນ